လူတိုင်းသည်ငြိမ်းအေးသော ဘ၀ကို ပိုင်ဆိုင်လိုကြသည်။
ငြိမ်းအေးသောဘ၀ကို ရရှိရန်ကြိုးစားရင်း ပူလောင်သောဘ၀များကိုသာ ထပ်ခါ ထပ်ခါ ရရှိနေကြရသည်။
အဘယ်ကြောင့်ပါနည်း။
အနာနှင့်ဆေး တခြားစီဖြစ်နေသောကြောင့်ဟူသော အဖြေသည်သာ အမှန်ဆုံးဖြစ်ပေမည်။
လူသားတိုင်းသည် စား၊၀တ်၊နေ၊ရေး အတွက်အလုပ်လုပ်နေကြရသည်။ ချမ်းသာသောသူဖြစ်စေ၊ ဆင်း ရဲ သောသူဖြစ်စေ၊မည်သည့် လူတန်းစားမဆို စားသောက်ရေး၊ ၀တ်ရေးနှင့်နေရေး တို့ သာ ဆောင် ရွက် နေကြရသည်မှာ တစ်ရက်မဟုတ်၊နှစ်ရက်မဟုတ် နိစ္စဓူဝအလုပ်ဖြစ်သည်။
စားရန်အဆင်သင့်ရှိသူ - မရှိသူ၊
ဝတ်ရန်အဆင်သင့်ရှိသူ - မရှိသူ၊
နေရန်အဆင်သင့်ရှိသူ - မရှိသူ
ထိုရှိသူနှင့်မရှိသူအကြား ပို၍စွမ်းဆောင်လုပ်ကိုင်ရခြင်းသာကွာခြားသည်။သူဌေးဖြစ်စေ၊ဆင်းရဲသားဖြစ်စေ၊ လူလတ်တန်းစားဖြစ်စေ၊ပညာတတ်သူဖြစ်စေ၊ပညာမဲ့သူဖြစ်စေ၊ထို..စားဝတ်နေရေးအတွက်-
ကိုယ်ခန္ဓာကို လှုပ်ရှားမှုပြုကြရသည်၊
နှုတ်မှ ဖွင့်ဟပြောဆိုကြရသည်
စိတ်မှကြံစည်တွေးတောကြရသည်။
စာစကားဖြင့်ပြောရမည်ဆိုလျှင်-
ကိုယ်ခန္ဓာလှုပ်ရှားပြုမူခြင်းသည် ကာယကံ၊
နှုတ်မှပြောဆိုရခြင်းသည် ၀စီကံ၊
စိတ်မှကြံစည် တွေးတောရခြင်းသည် မနောကံ သာဖြစ်သည်။
ထို့ကြောင့် လူသားတိုင်း၏ နေ့စဉ်အလုပ်မှာ- ကာယကံအလုပ်၊၀စီကံအလုပ်၊ မနောကံအလုပ် ဟူသော-အလုပ်-၃မျိုးကလွဲ၍ ဘာမျှမရှိပေ။
ထိုအလုပ်၃-မျိုးကို (လုပ်ကိုင်ပြုမူ၊ပြောဆို၊ကြံစည်ပုံ) ပုံစံအမျိုးမျိုးဖြင့် လုပ်ကိုင်နေကြသဖြင့် ကြေကွဲကြရ၏။ ၀မ်းနည်းကြရ၏။ငိုကြွေးကြရ၏။စိတ်ဆင်းရဲကြရ၏။ဝမ်းမြောက်ဝမ်းသာဖြစ်ကြရသည်။ကျေနပ်ပီတိဖြစ်ကြရ၏။
ဆိုရသော် မိမိတို့ပြုလုပ်သော ကာယကံ၊၀စီကံ၊မနောကံများက ငြိမ်းအေးသော ဘ၀ပိုင် ရှင် လည်း ဖြစ်နိုင် ၏၊ ပူလောင်သော ဘ၀ပိုင်ရှင်လည်းဖြစ်နိုင်၏။ မည်သည့်လူသားမဆို ငြိမ်းအေးသော ဘ၀ပိုင်ရှင်သာ ဖြစ်လို သည့် ဆန္ဒရှိကြ၏။ပူလောင်သော ဘ၀ကိုမလိုချင်။
သို့သော်..ပူလောင်သောဘ၀ကို မလိုချင်ဟုသာပြောနေသည်။တကယ်တမ်း ထိုသူပြုမှုနေသည်က ပူလောင် သော ဘ၀ပိုင်ရှင်ဖြစ်ရန်..သူ၏ ကာယကံ၊၀စီကံ၊မနောကံတို့ကို(နည်းလမ်းမှားဖြင့်) အသုံးချနေ သည်ကို တွေ့ရပေသည်။
ပူလောင်သောအတွေးကို ပါဠိတော်တွင်မိစ္ဆာသင်္ကပ္ပဟု ပြဆိုသည်။
မှားသောအတွေး၊မှားအကြံအစည်ကိုတွေးမိ၊ကြံမိပြီဆိုလျှင် မှားသောစကား၊မှားသောအပြောအဆို ဖြစ်လာ ကြရသည်။ဒါကိုပင် ပါဠိတော်၌မိစ္ဆာ၀ါဆာ(မှားယွင်းသောစကား)ဟု ဖော်ပြထားခြင်းဖြစ်သည်။
အပြောကိုအလုပ်ဖြင့် သက်သေပြ၏။
မှားသောအပြောအဆိုသည် မှားသောအားစိုက်လုပ်ဆောင်မှုကိုဖြစ်စေသည်။မိစ္ဆာ၀ါယမ(မှားသောကြိုးစား အားထုတ်မှုပြုလုပ်မှု)ဖြစ်သွားပြီဆိုလျှင်…ပူလောင်သော ဘ၀ကို ပိုင်ဆိုင်ရန် အခွင့်အရေးကို ပိုင်ပိုင် နိုင်နိုင် ရရှိသွားပေတော့သည်။
ကဿပဘုရားရှင်လက်ထက်က အင်မတန်ကြီးပွားချမ်းသာလိုသော လယ်သမားတစ်ဦးသည် ကြီးပွားတိုးတက် ချင်သောစိတ်ဆန္ဒကြောင့် အလုပ်ကိုသာဖိဖိစီးစီး ကြိုးစားလုပ်ဆောင်သည်။ အခြားသူများက လှူဖွယ်ဝတ္ထု၊ ပန်းနံ့သာများသယ်ဆောင်၍ ကဿပဘုရားရှင်ထံ တရားနာရန် သွားကြသောအခါ ထိုလယ်သမားကို အတင်းစည်းရုံးခေါ်ဆောင်ကြသည်။ ထိုလယ်သမားကြီးကား စိတ်ဆိုးဒေါသထွက်ကာ မိမိအား တမင်သက်သက် အလုပ်ချိန်ပျက်အောင် လုပ်သည်ဟုယူဆကာ” တရားလိုက်နာပေမယ့် မင်းတို့ဘုရားက ငါ့ကိုမကယ်ဘူး၊ ငါ့လယ်ကို သူဝိုင်းထွန်မှာမဟုတ်ဘူး။ ငါ့လယ်ကိုငါပဲထွန်ရမှာ တရားနာလို့စီးပွား ပျက်ရုံရှိတော့မပေါ့” ဟု…ကဿပဘုရားကို ၀စီကံနှင့်ပြစ်မှား ခဲ့လေသည်။ထိုလယ်သမားကြီးသေလွန်သော်…
ကျောက်ကမ်းပါးယံကိုသံထွန်သွား၊သံထွန်တုံး၊သံကြိမ်လုံးများဖြင့်(သူ့စိတ်ထဲဖြစ်ပေါ်နေသော)တကယ်မရှိသည့်
နွားကိုမောင်းကာ လယ်ထွန်နေရရှာသည်။ ပြိတ္တာဘ၀သို့ရောက်ခဲ့ပေသည်။ ဘာအစာမျှလည်း မစားရ ၊ရေ လည်း မသောက်ရ၊တကယ်လည်းစိုက်ပျိုးမရပေသော်ငြား အငတ်ငတ်အပြတ်ပြတ်နှင့်ထွန်ပြီးရင်း ထွန်နေရ ရှာသည်။
နွားကိုမောင်းကာ လယ်ထွန်နေရရှာသည်။ ပြိတ္တာဘ၀သို့ရောက်ခဲ့ပေသည်။ ဘာအစာမျှလည်း မစားရ ၊ရေ လည်း မသောက်ရ၊တကယ်လည်းစိုက်ပျိုးမရပေသော်ငြား အငတ်ငတ်အပြတ်ပြတ်နှင့်ထွန်ပြီးရင်း ထွန်နေရ ရှာသည်။
မှန်သောအတွေးသည် အဓိကကျသည်။
မှန်သောအတွေးရှိဖို့၊မှန်သောအယူရှိဖို့ လိုအပ်သည်။
သမ္မာဒိဋ္ဌိ မှန်သောအယူအဆကို လက်မခံထားသ၍ မှန်သောအတွေးဖြစ်မလာမှာသေချာသည်။ ကမ္ဘာပေါ်တွင် ယနေ့လူသားပေါင်းသန်း ၆၅၀၀ကျော်ရှိနေသည်။ ထိုလူသားများတွင်အများ စုသည်စိတ် ဆင်းရဲကြရ၏။ ကိုယ် ဆင်းရဲနေကြရ၏၊အဖြေမှန်ကိုမရှာနိုင်သဖြင့် ကမ္ဘာပေါ်တွင်စစ်ပွဲပေါင်း များစွာနေရာ အနှံ့ဖြစ်ပွားလျှက်ရှိနေ ရ၏။နေရာကိုကျဉ်းပြီးကြည့်မည်ဆိုပါက ရပ်ကွက်တစ်ခုတွင် အ ဘယ်ကြောင့် မိသားစုတစ်စုနှင့်တစ်စု မနာလို၊ ၀န်တိုဖြစ်နေကြရသနည်း။ ရန်ဖြစ်(ဆဲဆို)နေကြရသနည်း။ ခိုက်ရန်ဒေါ သဖြစ်ပွားနေကြရသနည်း။ထပ်ပြီးနေရာကိုချုံ့ကြည့်မည်ဆိုလျှင်…
မိသားစုတစ်စုထဲ၌ပင်--တစ်ယောက်နှင့်တစ်ယောက် ညီအစ်ကို ၊မောင်နှမအချင်းချင်း၊ သားနှင့်အမိ၊ သမီးနှင့်အဖ၊ မြေးနှင့်အဖိုး၊လင်နှင့်မယားကြား ပြဿနာများစွာရှိနေကြသည်။အဆင်မပြေမှုတွေရှိနေကြသည်။ ထိုသို့ အဆင်မပြေမှုများကြောင့်အော်ကြီးဟစ်ကြယ်ငိုကြွေးသူလည်းရှိ၏။လူမသိစေလို၍ကြိတ်ရှိုက်သူလည်း ရှိ၏။ အသားများတဆတ်ဆတ်တုန်အောင် စိတ်ခံစားကြရသူများလည်းရှိ၏။အဘယ်ကြောင့်ထိုသို့ဖြစ်ရသည် ကိုမူ အဖြေမရှာကြ။ထစ်ခနဲဆိုလျှင်ငိုဖို့၊ရယ်ဖို့၊ဒေါသဖြစ်ဖို့၊ရယ်မောဖို့၊ကြေကွဲဖို့၊၀မ်းနည်းဖို့သာ...။
အဆင်ပြေလျှင် ပြေသလို၊
အဆင်မပြေလျှင် မပြေသလို၊ … များသောအားဖြင့် ဆင်းရဲသောမိသားစုများသည် အဆင်ပြေမှု၊မပြေမှုကို မိသားစု စား၊၀တ်၊နေရေးနှင့် တိုင်းတာကြ၏။တကယ်တော့ စား၊၀တ်၊နေ၊ရေးအဆင်ပြေရုံဖြင့် ချမ်းသာ၊ သုခငြိမ်း အေးသော ဘ၀ကိုပိုင်ဆိုင်နိုင်ကြပြီလား။
ချမ်းသာသော လူတန်းစားများကို ကြည့်လျှင် စား၊၀တ်၊နေရေး ပူပင်ရသည်မဟုတ်၊သို့ရာတွင် ထိုမိသား စု များ တွင်လည်းအဆင်မပြေမှုများရှိနေသဖြင့် ငြိမ်းအေးသောဘ၀ကိုမပိုင်ဆိုင်ကြရရှာပေ။ ငြိမ်းအေး သော ဘ၀ ပိုင်ရှင်ဖြစ်ရန်၊မည်သို့ဆောင်ရွက်ကြရမည်နည်း။တကယ်တော့.. ထေရ၀ါဒဗုဒ္ဓဘာသာဝင်များအဖို့ လမ်း ရှိပါ လျှက်၊လမ်းပေါ်ရောက်နေပါလျှက် လမ်းပျောက်နေကြသူများသာဖြစ်ပေသည်။လွန် ခဲ့ သောနှစ်ပေါင်း ၂၅၀၀-ကျော်ကတည်းက..မြတ်စွာဘုရား၏ သစ္စာ၎-ပါးမြတ် တရား အထင် အရှား ပေါ်ထွန်းခဲ့ ပါ လျှက် ဘုရားရှင်လက်ထက်တော်ကပင် ဗုဒ္ဓသာသနာနှင့် လွဲချော်ခဲ့ ရသူများ စွာရှိခဲ့ေ ပသည်။မိမိအားသတ်ဖြတ်ရန် ရန်သူကလက်နက်ကိုင်စွဲ ကာတရ ကြမ်းလိုက် လာနေစဉ် မိမိဖက် ကပြေးစရာ လမ်းလည်း ရှိနေပါ၏။ သို့ပါ လျှက်မိမိကမပြေးခဲ့ပါမူ လမ်းရှိပါ လျှက် အပြေး ခက်နေ သည့်မိမိမှာသာ တာ ၀န်ရှိပေမည်။
ထို့အတူ မိမိ၏လက်နှစ်ဖက်တွင် အညစ်အကြေးများပေ ကျံလျှက်ရှိသည်။ဆေးကြော စရာ၊ သန့် ရှင်းသော ရေကလည်း အသင့်ရှိနေပါလျှက် မိမိဖက်ကဆေးကြောရန်ပျက်ကွက်ခဲ့ပါမူ မိမိစိတ်ဆန္ဒ က သာ အညစ် အကြေး ကို နှစ် သက်တွယ်တာ၍သာဖြစ်ပေသည်။
♦♦♦♦♦♦♦♦♦
ထေရ၀ါဒဗုဒ္ဓဘာသာဝင်များအဖို့ ငြိမ်းအေးသောဘ၀ပိုင်ရှင်ဖြစ်စေရန် နည်းလမ်းကောင်းများအဆင်သင့် ရှိနေပါသည်။သို့သော်ထိုလမ်းစဉ်ကို မလိုက်နာသူအဖို့ ပူလောင်သောဘ၀ ပိုင်ရှင်ဖြစ်ရသည်မှာ မဆန်းလှပါ..။ ပို၍ဆိုးဝါးသည်မှာ ယခုဘ၀တွင်သာ ပူလောင်သော ဘ၀ကိုပိုင်ဆိုင်ရသည်မဟုတ် သံသရာ အဆက်ဆက်၊ ဘ၀အဆက်ဆက် ၃၁-ဘုံ တွင် ရေစုန်ရေ ဆန်မျောရင်း လမ်းစဉ်မဲ့၊ ပန်းတိုင်မဲ့ ဘ၀ ကို ရောက်ရှိသွားခဲ့ကြလျှင် ဘုရားပွင့်ရ ကျိုးမနပ် သကဲ့သို့ လူဖြစ်ရကျိုးလည်းမနပ်ဟုသာ ဆိုရပေမည်။
မြန်မာနိုင်ငံသည်ဗုဒ္ဓဘာသာနိုင်ငံတစ်ခုဖြစ်သည်။ကမ္ဘာအလယ်တွင်ဗုဒ္ဓဘာသာကိုးကွယ်သည့်နိုင်ငံ၊ ဗုဒ္ဓဘာသာ ကိုစနစ်တကျထိန်းသိမ်းစောင့်ရှောက်သည့်နိုင်ငံအဖြစ် ထင်ရှားကျော်ကြားသည်။ တကယ်တမ်း အတွင်း ကျကျ ဗုဒ္ဓဘာသာကိုးကွယ်မှုကိုလေ့လာမည်ဆိုလျှင်-
၁။သစ္စာ၎-ပါးတရားကလွဲ၍မည်သည့်အယူအဆကိုမျှလက်မခံသည့်ထေရ၀ါဒဗုဒ္ဓဘာသာစစ်စစ်။ သိလဲသိ၊ ကျင့်လဲကျင့်သောဗုဒ္ဓဘာသာ၊
၂။သစ္စာ၎-ပါးတရားကိုသိပါ၏။ထို့ကြောင့် တခြားအယူဝါဒကိုလက်မခံ။သို့သော်သိသည့်အတိုင်း မူမကျင့် သည့် ဗုဒ္ဓဘာသာ၊
၃။သစ္စာ၎-ပါးတရားကို ကောင်းစွာနားမလည်၊ကောင်းစွာသဘောမပေါက်။သို့သော် မိရိုးဖလာအရ ဗုဒ္ဓ ဘာ သာဖြစ်သဖြင့်ဗုဒ္ဓဘာသာ၊ဗုဒ္ဓ၀ါဒကိုးကွယ်သူအဖြစ်ခံယူ၏။အခြေအနေအရဘုရားရှိခိုး၏။ဥပုဒ်စောင့်၏။ ဒါနပြု၏။ ပုတီးစိပ်၏။ထိုအရာလောက်မျှနှင့်မိမိကိုယ်ကိုမိမိဗုဒ္ဓဘာသာဟုထင်မြင်ထားသူ၊
၎။ထေရ၀ါဒဗုဒ္ဓဘာသာ၏အနှစ်ကိုလည်းနားမလည်၊အကာကိုလည်းမသိ။အစဉ်အလာအရ ရတနာ၃-ပါးရှိခိုး၏။ အနေန္တော၊အနေန္တငါးပါးကိုရိုသေ၏။မီးကပ်၊ပန်းကပ်၊ရေချမ်းကပ်ဖြင့်လောက်သာကျေနပ်နေသူဗုဒ္ဓဘာသာ၊
၅။မိရိုးဖလာအရ ဗုဒ္ဓဘာသာအမည်ခံထား၏။မိမိဘ၀(ပစ္စုန်ပ္ပန်အကျိုးကိုကြည့်ပြီး)ဆည်းကပ်သူဗုဒ္ဓဘာသာ၊
၆။ဗုဒ္ဓဘာသာအမည်ခံထားသော်လည်း မဟာယာနအယူဝါဒ(ဖြစ်သော)နတ်လည်းယုံကြည်၏။မိမိအကျိုး၊ မိသားစုအကျိုးအတွက်မည်သည့်ကိုးကွယ်မှုမဆို လက်ခံရန်ဝန်မလေးသောဗုဒ္ဓဘာသာ၊
{သစ္စာလေးပါး - ဒုက္ခသစ္စာ(ဆင်းရဲခြင်းအမှန်တရား)၊သမုဒယသစ္စာ(ဆင်းရဲကြောင်း အမှန်တရား) ၊ နိရောဓသစ္စာ(ဆင်းရဲငြိမ်းရာအမှန်တရား)၊မဂ္ဂသစ္စာ(ဆင်းရဲငြိမ်းရာနိဗ္ဗာန်ရောက်ကြောင်းအကျင့်မှန်တရား)}
ထေရ၀ါဒဗုဒ္ဓဘာသာဟု ခံယူထားလင့်ကစား ဗုဒ္ဓချက် မှတ်ထားသောပန်းတိုင်၊ ဗုဒ္ဓချက်မှတ် ထားသော လမ်းစဉ်တိတိကျကျရှိနေပါလျှက်၊နံပါတ်၆-အမျိုးအစားဗုဒ္ဓဘာသာများ. .များပြား လာခြင်းကား ၀မ်း နည်း စရာကောင်းလှပါသည်။
မြတ်စွာဘုရားရှင်လက်ထက်တော်က သုပ္ပဗုဒ္ဓဟူသော နူနာသည်တစ်ဦးရှိခဲ့ဖူးသည်။ဘ၀အဆက်ဆက်က ကံ,ကံ၏အကျိုးပေးကြောင့်နူနာသည်ဘ၀ဖြင့် အသက်ရှင်နေထိုင်ရသလို လူတော သူတော မတိုးရဲ သဖြင့် မြတ်စွာဘုရားသာသနာအထင်အရှားရှိပါလျှက်(သာသနာတော်နှင့်)ဝေးကွာနေခဲ့ရသည်။တစ်နေ့တွင် မြတ်စွာ ဘုရား၏တရားပွဲတစ်ခု၌ပရိတ်သတ်နှင့်ဝေးလံသောနေရာမှာသစ္စာ၎-ပါးတရားကိုနာယူခွင့်ရခဲ့သည်။ တရားပွဲအပြီး၌မူ သိကြားမင်းကဆေးဆရာဟန်ဆောင်၍တစ်သက်လုံးခံစားနေရသောနူ နာကိုပျောက်အောင် ကုသေ ပးမည်။မြတ်စွာဘုရားဟောကြားသောတရားသည် တရားအစစ်မဟုတ်၊ ဘုရား သည် ဘုရားအစစ်မဟုတ် ဆိုသည့် စကားနှစ်ခွန်းကိုထွက်ဆိုခိုင်းသည်။သုပ္ပဗုဒ္ဓက လက်မခံ။ သိကြားမင်း က ရွှေငွေကျောက်သံပတ္တမြားများဖြင့် ဖျားယောင်းပြီးပြောခိုင်း၏။ သုပ္ပဗုဒ္ဓလက်မခံ ။ရောဂါဝေ ဒနာ ပျောက် ကင်းစေရန်နှင့်ကျောက်သံပတ္တမြားရွှေ၊ငွေ များပါပေမည်။ထိုစကားနှစ်ခွန်းသာပြောပါ ဆိုသော် လည်း လက် မခံ။(စာဖတ်သူတို့အဖို့စဉ်းစားသင့်သည်။)
တစ်ချို့ဘာသာရေးအဖွဲ့အစည်းများက လယ်၊ယာ၊ကျွဲ၊နွားများပေး၍ သူတို့ဘာသာထဲ သွတ် သွင်း ကြသည်။ ရောဂါဝေဒနာများပျောက်ကင်းရေးအတွက် အခြားဘာသာများကို ဆည်းကပ်ကြသည်။ အင်း၊ အိုင်၊ခလဲ့၊မန္တန်း၊ ယန္တရား၊ယတြာ၊အစီအမံများပြုလုပ်ကြ၏။စီးပွားရေးအဆင်မပြေသဖြင့် အခြား ဘာ သာများ ကိုကိုး ကွယ်ကြ သည်။ သည်တော့… အမည်ကသာ ဗုဒ္ဓဘာသာဖြစ်၏။
ကိုးကွယ်ဆည်းကပ်နေကြသည်က-
အုန်းသီးလည်းခွဲ၏။နွားနို့လည်းပူဇော်၏။သံပုရာသီးလည်းလှူ၏။ဒူးထောက်၍လည်းအရိုအသေပြု၏။မီးလည်းနင်း၏။
ယတြာလည်းပြု၏။ဗုဒ္ဓဘာသာနှင့်တူတာ ဘာများကျန်ပါသေးသနည်း။ ဒါကိုပင်..ထိုသူတို့၏နှုတ်မှ သူတို့ ကိုယ်သူတို့ ဗုဒ္ဓဘာသာ ဟု ကြွေးကြော်နေ ကြသည်မှာစိတ်မကောင်းဖြစ်ဖွယ်အတိပင်ဖြစ်ပေသည်။
ယတြာလည်းပြု၏။ဗုဒ္ဓဘာသာနှင့်တူတာ ဘာများကျန်ပါသေးသနည်း။ ဒါကိုပင်..ထိုသူတို့၏နှုတ်မှ သူတို့ ကိုယ်သူတို့ ဗုဒ္ဓဘာသာ ဟု ကြွေးကြော်နေ ကြသည်မှာစိတ်မကောင်းဖြစ်ဖွယ်အတိပင်ဖြစ်ပေသည်။
ထိုအဖြစ်များမှ လျော့ ပါးသွား စေရန်… လမ်းမှန်ပေါ်ပြန်ရောက်စေရန်ရည်သန်၍ ဥပမာ၊သာဓကများဖြင့် ပုံ ဆောင်ပြခြင်းဖြစ်ပေ တော့ သည်။
အရှင်ဓမ္မရက္ခိတ၏ "လမ်းပေါ်မှာ လမ်းပျောက်နေသူများ" စာအုပ်မှ...
ဓမ္မစာစုအချို့အား ကောက်နုတ်ဖော်ပြထားခြင်းဖြစ်ပါသည်။
တစ်စုံတစ်ခု လွဲချော်မှားယွင်းမှုများရှိနေပါလျှင်(စာအုပ်ထဲမှ)ဖြတ်ညှပ်ကပ်ထားသော သမီးစံအမှားသာ ဖြစ်ပါသည်။
ဓမ္မစာစုအချို့အား ကောက်နုတ်ဖော်ပြထားခြင်းဖြစ်ပါသည်။
တစ်စုံတစ်ခု လွဲချော်မှားယွင်းမှုများရှိနေပါလျှင်(စာအုပ်ထဲမှ)ဖြတ်ညှပ်ကပ်ထားသော သမီးစံအမှားသာ ဖြစ်ပါသည်။
ဧပြီလအတွက် နောက်ဆုံးပို့စ်ဖြစ်ပါ၍..တစ်နေ့တစ်ကြောင်းနှုန်းသော်လည်းကောင်း၊တစ်ပိုဒ်နှုန်းသော်လည်းကောင်း နည်းနည်းချင်းစီ မြည်းစမ်းပေးပါရန် မေတ္တာရပ်ခံအပ်ပါသည်။း))
တရားထူး၊တရားမြတ်များ ရရှိ၊ကျင့်သုံးနိုင်ကြပါစေ...
ချစ်ခင်လေးစားလျှက်
